أزيكم ياشباب يارب تكونوا بخير كنت عاوز أشتري شاليه في قرية نظيفة وفيها أمن كويس وخدمات ممتازة والمبلغ في حدود 300 ألف ... اللي عنده خلفية عن القرى في الساحل يقولي أنا روحت مراقيا وجرين بيتش وماربيلا لو في حاجة غير دول قولولي طبعاً مارينا هيبقة أغلى من أمكنياتي بس لو في في مارينا حاجة في رينج 300 أنا دايس معاكم بردوا ولا الأفضل أشتري حاجة في المعمورة جنب مننا ونوفر حق البنزين اللي مش موجود أصلاً .
مفيش أي معلومة أي أفتكاسة حتى !
انا اعتقد انك مستحيل تلاقي في المعموره شقه ب 300 الف حتي لو اخر صف ..
نخليهم 400 ياسيدي أنت شايف في حد أقترح حاجة أصلاً ... وبعدين مش لازم في المعمورة مش لازم ياباشا أي حاجة أعتقد في الساحل السعر ده يجيب حاجات كويسة .
بص هو 400 الف ممكن يجيبولك شقه فى المعموره وهتكون مش قريبه من البحر وفى الساحل برضه فى القرى اللى انت كاتبها زى ماربيلا صعب تلاقى شاليه ممكن شقه برضه .
بالنسبه للافضل فده حسب حضرتك بتحب الزحمه ولا الروقان وبتحب بحر اسكندريه ولا الساحل لان الحاجات دى بتفرق كتير يعنى انا صعب اقعد فى شاطى جوه اسكندريه علشان كده فضلت اخد حاجه فى الساحل خصوصا انى ساكن جمب المعموره ممكن حضرتك تكون بتحب جو المعموره فحيبقى الافضل ليك تاخد هناك
بس لو عايز رايي تاخد حاجه فى الساحل وتشترى كرنيهات المعموره لانك ساكن فى اسكندريه فلما تروح الساحل حتحس انك غيرت جو غير لما تنتقل من شقه فى اسكندريه لشقه تانيه فى اسكندريه .
وعلى فكره فى قرى جديده فى الساحل دلوقتى ممتازه وتسهيلاتها حلوه جدا .
متاااااااااااابع
لو ناوي تأجره وتكسب من وراه يبقي في المعموره
لو عاوزه لروقان البال يبقي في الساحل
بص ياباشا من الاخر كدة عشان انا عملت مواضيع كتير فى الحوار دة مراقيا ممكن تلاقى بالسعر دة فى البنفسج مثلا الصف الرابع او الخامس .. مزايا مراقيا فيها سوق مفتوح صيف شتاء بس المشكلة ان محديش بيروح فى الشتاء خالص او عموماً الساحل عندك سدى كرير ومرينا والكلام دة بيكلم فى 450 الى ..... الخ .. تمام طيب انا هقولك على حاجة اية رائيك فى العين السخنة نضيفة امن صيف شتاء شغال طريق نظيف ساعة ونصف من القاهرة ايجار واستثمار شغال فكر كدة فى العين السخونة ولو عاوز فى كتير معروض فى قرى كويسة
ماهو أنا مش مرجح المعمورة لسببين أن المبلغ اللي معايا مش هيجيبلي حاجة كويسة والتاني أنها هتكون جوة أسكندرية فمفيش جديد بس لو في حاجة معينة تعرفها يبقى تمام ومتشكر لردك .اقتباس:
المشاركة الأصلية كتبت بواسطة eslamrace
بص يا باشا فى شاليهات فى القرى الاتية 1- اميجو 2- تيوليب كل دول على الطريق العين السخنة بعيد عن طريق الزعفران تمام خوش على موقع http://dubizzle.com واكتب شاليهات بالعين السخنة بس انا اضمن القرى اللى انا كتبها دى من امن وصيانة وصيف شتاء الامن متواجد قرية اميجو تتراوح بين 300 ال 450 من شقق اما تيوليب تترواح من 400 الى 650 شاليهات وانت وشطرتك فى البيع عموما الى معاة قرش الان هو الصياد البلد فى حالة ركود وناس كتير بتبيع بخصارة عشان مفيش حركة بيع لو البلد استقرت اضرب الاسعار فى 2
انا واخد فى قريه عايده فى الساحل القريه بتطور وممكن بنص المبلغ اللى معاك تاخد شاليه هناك متشطب هاى لوكس بس القريه فيها مشكله ان المبانى عباره عن كمبوندات كل كمبوند له شكل خاص بيه بس غير كده بصراحه كل سنه الاداره بتعمل خدمات جديده " حمامات سباحه ، بحيره صناعيه ، سفلته ورصف وهكذا " بس برضه للعلم ان الفندق جوه القريه اداره مستقله .اقتباس:
المشاركة الأصلية كتبت بواسطة ashturbo
وعندك قري مرسيليا 1 ، 2، لاند قرى محترمه جدا جدا وكل قريه فيها مول وسينيمات واماكن ماركت" هايبر " وممكن بالمبلغ اللى معاك تاخد حاجه كويسه ولو فى جزء زياده بيقسطوا بدون فوايد والقرى بتاعتهم نظيفه جدا والديزاين واحد وعندهم حاجات استلام فورى
اللى مش حتلاقيه كويس الكمبوندات اللى جمب سيدى كرير القوات المسلحه بتكون عباره عن عماير بدون اى خدمات ولا امن ولا صيانه
وفى قرى سيدى عبد الرحمن " مراسي ، امواج" قري ممتازه بس المشكله انها بعد الكيلو 120 على حد علمى فانا اعتبرتها بعيده جدا ولكن اللى اعرفه ان عروضهم حلوه وتقسيم القرى ممتاز بس كاسعار مسألتش علشان بعد المسافه وسمعت ان البحر هناك غطس والله اعلم صدق المعلومه
قريه ماربيلا لو تقدر تزود المبلغ اللى معاك وتاخد شاليه هناك تبقى بجد خير انتقاء القريه هناك خدماتها ممتازه ومن القرى القليله اللى فيها حاجز امواج وتقسيم القريه والمساحات الخضراء تريح الاعصاب بصراحه بس فى بعض اصدقائي لما كنا هناك اشتكوا انها صغيره مش واسعه بس انا محستش بده خالص .
وعلى العموم الساحل كبير ولو دورت هتلاقى اللى تحتاجه وعلى زوقك وقد فلوسك واحتياجاتك وعلى فكره كاستثمار حلو جدا فى اوقات فى الصيف الناس مبتلقيش اوضه فى الساحل فاضيه ولو بسعر خيالى .
ربنا يوفقك فى الاختيار وتحت امرك فى اى استفسار .
مفيش أحسن من راحة البال ياحج شنوري .اقتباس:
المشاركة الأصلية كتبت بواسطة shnory
أشكرك لأهتمامك وأنا كنت عاوز حاجة قريبة لأن أنا من أسكندرية ... وعموماً مراقيا حلوة وكل حاجة عيبها الوحيد أنها بتبقى شبه مهجورة في الشتاء ولكن خدماتها معقولة وفيها أمن كويس .اقتباس:
المشاركة الأصلية كتبت بواسطة masterzmind
طيب ماتكلمنا شوية عن عايدة بما أنك واخد فيها أيه نظام الفلل هناك وهل ليها مستقبل ولا لأ ولو في موقع ليها على الفيس ولا على النت يبقى كويس مستويات الخدمات والأمن هناك مستويات الملاك أيه يعني هاي ليفيل - ميد ليفيل ... في ماركت كبير هناك ولا مفيش جاهزة ولا لسة مخلصتش ولو لسة قدامها أيه ... معلش أسئلة كتيرة بس الواحد يتأكد من أخلاق عايدة قبل مايناسبها .اقتباس:
المشاركة الأصلية كتبت بواسطة eslamrace
لا طبعا من حقك قبل متختار تعرف هتناسب مين هههههههههههههاقتباس:
المشاركة الأصلية كتبت بواسطة ashturbo
هى القريه من اقدم قرى الساحل يمكن من السبعينات على ما اعتقد وهى اصلا عباره عن ارض مساحتها حوالى كيلو طول و600 متر شاطئ ملك جمعيه اسمها مصر الجديده وعلشان كده هى اسمها الورقى " مصر الجديده " ولكن علشان جواها فندق عايده من اشهر واقدم الفنادق فى الساحل فاصبح اسمها المتداول "عايده " الفندق زى مقولتلك اداره منفصله عن اداره القريه والفندق 4 نجوم ومستواه عالى جدا من جوه كخدمه واستايل واتعمل فيه برنامج "مكانش يومك " رمضان قبل اللى فات .
القريه متقسمه قطع اراضى ومملوكه لناس من الجمعيه الجزء اللى من اول الفندق لحد الشاطئ فلل دور واحد وروف فقط ودول الملاك القدام قوى واغلبهم هاى ليفيل من بعد الفندق ولحد اخر صف فى القريه شاليهات بتتدرج دورين وتلات ادوار حد اقصى واخر صف شقق اربع ادوار وكل اللى بيبنى لازم يلتزم بالارتفاعات المحدده ونسبه البناء والحدائق اظن 60% من مساحه القطعه بناء والباقى اما حدائق او حمام سباحه خاص طبعا هى من 5 سنين بالظبط كان البناء واصل لحد بعد الفندق بصف واحد انما بدأت الشغل فيها واتطورت جدا فى السنوات الاخيره فاتعمل حمام سباحه للكبار واخر للاطفال وبحيره صناعيه وشماسي على البحر وحمام السباحه وتم تجديد اعمده النور فى المدخل واعاده رصفه وزياده تشجير الطرق الرئيسيه و مكان للعب الاطفال و كافيتريا على الشاطئ وكافتريا على حمام السباحه
الخدمات جوه القريه فيها 2 سوبر ماركت موفرين كل حاجه ومحل لبيع الاسماك ومسجد و سمعت والله اعلم ان فى كنيسه او مكان تابع للكنيسه جوه القريه
طبعا فى السنوات الاخيره اتبنى كمبوندات كتيره جدا اللى بحديقه خاصه واللى بحمام سباحه خاص واللى بحديقه مشتركه و اللى بيملك الروف مع الدور الاخير بسلم داخلى و اختيارات كتير .
الاسعار فى القريه متفاوته بطريقه رهيبه ففى الفلل بالملايين والشاليهات من 200 الف جنيه الى 750 الف جنيه والشقق بصراحه مسألتش عنها
الايجارات هناك من200 الى 750 جنيه انتقالا من الشاليهات للفلل
العيوب ان القريه فيها اجزاء مش متسفلته " ولكن كل سنه بيتك دكها " ودى اداره القريه قالت انها مش حتسفلت الا لما يخلص البناء فى اغلب القريه ، المشكله التانيه ان فى الشتاء بيكون فى اعمال بناء وتطوير القريه فبتكون الى حد ما مزعجه ولكن بيتمنع العمال من الدخول من 20/6 الى بدايه شهر 11 وفى الاعياد والمناسبات " عيد الاضحى ، شم النسيم وهكذا " السوبر ماركت بيفضل شغال فى الشتاء لخدمه الناس ، وموضوع ان الاشكال مش شبه بعض برضه بيدايق بعض الناس.
بالنسبه للمستقبل انا شايفها استسمار كويس جدا خصوصا لو القريه مشت بالمعدل اللى بتمشي بيه فى اخر سنتين تلاته فقدامها حوالى من 3-4 سنين بالكتير وحتكون اتقفلت واتغيرت ملامحها بشكل كبير خصوصا ان ادارتها حاليا بصراحه شغاله جامد جدا ولكن العيوب اللى قولتها بتخللى كتير من الناس تقلق منها دلوقتى .
المخطط حسب علمى للقريه انه حيتعمل مول تجارى كبير جوه القريه واتحدد بالفعل مكانه بس لسه مشتغلش وحيتعمل حمام سباحه على الشاطئ وحتتسفلت وتترصف بالكامل وحيتعمل سينما واول مروحت القريه حد قاللى المفروض المسجد حيتجدد ويتعمل مسجد تانى وسط القريه والمفروض ان كان فى اجتماع لاتحاد الملاك من فتره قريبه بس انا محضرتش فمش عارف اتفقوا على ايه تانى بس ان شاء الله اعرف اليومين الجايين.
بصراحه اظن دى كل المعلومات اللى اعرفها حسب معلوماتى ولو افتكرت حاجه تانى حقولك عليها .
بس لانى من عشاق ماربيلا بعيدا عن كل القرى اللى قعدت فيها فمش عايزك تقارن دى بدى خالص لان ماربيلا فيها كلام تانى خالص.
وتحت امرك فى اى استفسار.
10 على 10 الصراحة تسلم أيدك واضح أنك متابع جامد التطورات في عايدة وبصراحة كفيت ووفيت .اقتباس:
المشاركة الأصلية كتبت بواسطة eslamrace
@Eslamrace
الف شكر على التوضيح و المعلومات
لو مفيهاش تعب بدل انت بتحب ماربيلا اوى كده ممكن توفينا بمعلومات برضه ... تفصيليه ان امكن
الف شكر
عيشتك ارتاحت انتاقتباس:
المشاركة الأصلية كتبت بواسطة trondo
هههههههههههههه
منور المنتدي يا باشا ومش عاجبني ال6 مشاركات دول
عاوزنهم يوصلوا 6000
ربنا يخليك هو الموضوع كله ان العيله كلها بتعشق الساحل فمن وانا عندى 5 سنين الصيف بالنسبالى هو الساحل الشمالى سواء مصايف الشركه عند الحاجه او عند اهلى هههههههاقتباس:
المشاركة الأصلية كتبت بواسطة ashturbo
انت تؤمراقتباس:
المشاركة الأصلية كتبت بواسطة trondo
هههههههههههههه مهو لو بدل متجمع الناس فى بلطيم تاخدهم الساحل كانت الناس حتشارك فى الموضوع انما بعد اللى عملتوا فيهم كرهوا المصايف هههههههههههههههههههاقتباس:
المشاركة الأصلية كتبت بواسطة shnory
ماهو انت لو مركز مكنتش قولت كدهاقتباس:
المشاركة الأصلية كتبت بواسطة eslamrace
بلطيم مكانتش تنظيمي اصلا هههههههه
ولو مركز اكتر كنت عرفت اننا روحنا ماربيلا مرتين ((: في مقابلات قبل كده
حلاوه ماربيلا انها دخولها للملاك بس والتاجير فيها عن طريق اداره القريه
ملهاش تذاكر زي مراقيا
فعمرها ما تلم ولا تلاقي فيها مناظر غير مقبوله ولا رحلات يوم واحد
ماربيلا من القري الهاديه جدا وتقسيمها حلو قوى فهى من اول البحر عباره عن شاليهات لحد اخر صف قبل البوابه عباره عن شقق والقريه متقسمه ل5 شوارع رئيسيه بالطول وشارع واحد بالعرض بيربط بينهم بالنسبه لطول القريه بصراحه مقيستوش بالظبط بس ممكن تقول حوالى نص كيلو طول و حوالى 750 متر عرض القريه هاديه جدا جدا فيها عدد 2 حمام سباحه على الشاطئ ولسان داخل البحر لهواه الصيد وحاجز امواج " ودول مش موجودين فى اغلب القرى اللى دخلتها" وفيها مول تجاى بقعدات جواه وفى محلات " 3 سوبر ماركت وبتاع مشويات و2 بتوع بيتزا و صيدليه وحلوانى و4 محلات فاست فود و3 كافتريات داخل المول ومكان لايجار العجل ومكتبه للجرايد والكتب " وفيها سينما صيفى خارج المول وفى كيدز ايريا فيها ملاهى للاطفال كهربائيه وعاديه وفيها ملعبين كوره داخل القريه ومسجد .
القريه فيها اماكن للباركينج جنب كل مجموعه شاليهات ودى حاجه ممتازه لانك مش بتدور على ركنه لان عدد الباركينج اريا على عدد الشاليهات انا شايفهم كتير جدا فدى تعتبر ميزه مهمه وافضل حاجه برضه فى الشاليهات ان مساحاتها حلوه جدا حتى الغرفتين وصاله مساحتهم كبيره جدا وديزاين القريه من جوه عباره عن مجموعات كل مجموعه نصف دايره وقدامها حديقه واسعه متقسمه بشكل مميز وموحد وفيها جوه الحدائق مكان للمشى والعجل فممكن الاولاد يلعبوا قدام الشاليه فى مكان مفتوح وبرضه عينك تبقى عليهم والقريه واخده ميل ناحيه البحر علشان معظم الشاليهات تشوف البحر .
بصراحه اسعار التمليك هناك عاليه جدا علشان القريه تعتبر صغيره لان المساحه اغلبها حدائق ولكن سبحان الله الشركه عند الحاجه كانوا واخدين الشاليهات بتاعتهم فى التمانينات ب 34 الف جنيه بالقسط دلوقتى مسمعينهم فوق 850 الف انما بصراحه كاسعار الشقق والشاليهات المختلفه مش عارف وصلت كام دلوقتى .
الايجارات هناك حسب اخر مره سالت فيها كانت ناحيه البوابه بحوالى 400 جنيه انما حاليا مش عارف والله .
وعلى فكره دلوقتى فى مشروع ماربيلا جاردنز تبع نفس الشركه اللى بانياها بس جنوب الطريق وجوه الصحراء شويه بس منظمه برضه وبيكون ليك الحق تدخل القريه على البحر واسعارهم متوسطه وتصميم القريه دى حسب اللى بيقولوه حتبقى حلوه برضه .
اظن دى كل المعلومات اللى اعرفها عن القريه ولو افتكرت حاجه تانيه حقولك.
معلش فعلا انا نسيت خالص انك مكنتش منظم الطلعه دى "الواحد لسه صاحى من النوم " بس طلعتين ماربيلا اول مره اسمع عنهم انت بتنظم مقابلات من غير متقولنا ولا ايه يا قرصان .اقتباس:
المشاركة الأصلية كتبت بواسطة shnory
وفعلا يا شنورى كلامك صح وكتير من القري منعوا موضوع التذاكر ده علشان يكون الموضوع على الملاك بس او طبقه معينه من المؤجرين "بحكم السعر".